أخر تحديث : الثلاثاء 5 مارس 2013 - 11:33 صباحًا

مسابقة “أرسم حقك” أول أنشطة حملة “من حقى أعرف ميزانية جامعتى”

بتاريخ 5 مارس, 2013
مسابقة “أرسم حقك” أول أنشطة حملة “من حقى أعرف ميزانية جامعتى”

بنسمع كثير عن الحقوق و الحريات الطلابية و دايما بيجي في دمغنا حاجات كثير زي حرية التعبير أو الحق في تكوين أسر و مجموعات نشاطات طلابية… أو حتى حقك في خدمات تعليميه كويسة لكن سمعت قبل كدة عن حقك في المشاركة في إدارة الجامعة !!!
زي مشاركتك في إدارة الميزانية و مراقبتها اللي تعتبر من أهم الحاجات الي حتساعدك في إنك تتمتع بباقي حقوقك الثانية جوة الجامعة…
ارسم كاريكتير تشرح فيه ايه هي ميزانية الجامعة وصناديق التكافل الاجتماعي واتحاد الطلاب وتحسين الخدمات.
والصناديق دى فيها كام ..؟؟ وبتتصرف إزاي ؟؟ ومين بيتصرف فيها ؟؟
وارسم كمان عن اهمية انك تكون عارف ميزانية الجامعة وفلوس صناديق التكافل الاجتماعى ، وتحسين الخدمات بتروح فين .؟؟؟؟
شغّل دماغك ..ووسع خيالك .. وابعتلنا رسوماتك على 7akya3rf@afteegypt.org

يلا بسرعة ..اخر ميعاد لتسليم رسوماتك 10 مارس ، 2013
وبعد ما اللجنة الفنية تختار افضل ٣ اعمال هننشرها علي موقعنا ،وتقدروا تصوتوا عليها انتم واصحابكم علشان تساعدونا نختار احسن واحد فيهم ..واللى كمان هننشره في الاصدارات الخاصة بالمؤسسة.

للمزيد عن المسابقة ، شاهد الفيديو التالي :

 


شارك هذا الموضوع


مواضيع ذات صلة